\"Azərbaycan Rusiyanın vacib strateji tərəfdaşıdır\"

Rusiya Xarici İşlər Nazirliyinin (XİN) Sergey Lavrovun Bakıya edəcəyi səfərlə bağlı yaydığı bəyanatda iki ölkə arasında kı münasibətlərin yüksələn xətlə inkişaf etdiyi vurğulanır.

RF XİN başçısı Sergey Lavrov iyulun 11-12-də Azərbaycana rəsmi səfərə gələcək.

RF XİN qarşıdakı danışıqları Rusiya-Azərbaycan siyasi dialoqunun inkişafının davamı kontekstində nəzərdən keçirildiyini bildirib.

"Bakıda keçiriləcək görüşlərdə ikitərəfli gündəliyin aktual məsələləri müzakirə olunacaq, eləcə də Dağlıq Qarabağ münaqişəsinin nizamlanması üzrə Vyana və Sankt-Peterburq görüşlərində əldə edilmiş razılaşmaların irəliləyişi istiqamətində fikir mübadiləsi aparılacaq. Rusiya Bakı ilə əlaqələri hüquq bərabərliyi, bir-birinin maraqlarına hörmət və mehriban qonşuluq əsasında qurur. Humanitar sahədə ənənəvi əlaqələrin genişləndirilməsinə, Azərbaycan və Rusiya xalqları arasında tarixən yaranmış sıx mənəvi ünsiyyətin inkişafına böyük önəm veririk".- deyə nazirliyin bəyanatında qeyd edilir.

İlhamə
Ölkə.Az