Nazarbayevin Azərbaycana səfərinə hazırlıq başlayıb
Xəzəryanı ölkələrin xarici işlər nazirlərinin Astanada keçirilən görüşü çərçivəsində Azərbaycanın xarici işlər naziri Elmar Məmmədyarov və Qazaxıstan xarici işlər naziri Yerlan İdrisov arasında görüş keçirilib.
Ölkə.Az APA-ya istinadən verdiyi məlumata görə, görüşdə ikitərəfli əməkdaşlığın aktual məsələləri, “EXPO-2017” beynəlxalq ixtisaslaşmış sərgisinə hazırlıq, Azərbaycanın bu sərgidə iştirakı müzakirə olunub.
Görüşdə Qazaxıstan prezidenti Nursultan Nazarbayevin bu ilin payızında Azərbaycana planlaşdırılan səfərinə hazırlıq məsələsinə xüsusi diqqət yetirilib.
