Ali məktəblərə qəbul yerlərinin sayı açıqlandı
“Bu il Azərbaycanda ali məktəblərə qəbul olmaq üçün 41 min 965 yer təqdim olunub”.
Ölkə.Az Report-a istinadən xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbazsadə keçirdiyi mətbuat konfransında bildirib.
Onun sözlərinə görəi, ötən illə müqayisədə qəbul yerləri 7,21% artıb.
M.Abbaszadə qeyd edib ki, dövlət sifarişli yerlərin sayında bir az fərq var və ötən illə müqayisədə 497 yer artıb:
“Ötən il dövlət sifarişli yerlərin sayı 11 min 714 olub, bu il həmin yerlərin sayı 12 min 221-dir. 11 illik təhsil bazasından orta ixtisas təhsili müəssisələrinə (texnikum) isə bu il 6 min 940 yer ayrılıb.
Ötən il isə bu rəqəm 6 min 133 olub. Beləliklə, 11 illik bazadan texnikumlara ayrılan qəbul yerlərinin sayı ötən illə müqayisədə 13% artıb. Ümumilikdə qəbul planına əsasən, 48 min 905 nəfər ali və orta ixtisas təhsili müəssisələrinə qəbul ola biləcək”.
DİM-in Direktorlar Şurasının sədri deyib ki, bu il I qrupda dövlət sifarişli yerlərin sayı 5,9% (300 yer), II qrupda 9% (2021 yer), III qrupda 3 yer (ötən ilki səviyydədir), IV qrupda isə 4,99% (62 yer) artıb.
