Nitsada terror şoku yaşayan azərbaycanlılar
“Fransanın Nitsa şəhərində baş vermiş terror zamanı hadisənin şokunu yaşayanlar arasında azərbaycanlılar da olub”.
Ölkə.Az xəbər verir ki, bunu Nitsa şəhərində Azərbaycan icmasının tanınmış nümayəndəsi, doktor Elnur Məmmədov Ans press-ə ötən gün baş verən terror aktı barədə açıqlamasında bildirib.
“Apardığımız araşdırmalar nəticəsində xoşbəxtlikdən hadisə zamanı ölən və yaralılar arasında azərbaycanlılar yoxdur”- deyə Elnur Məmmədov deyib.
Bastiliyanın alınması günü ərazidə olan soydaşlarımız faciənin necə yaşandığını öz gözləri ilə görüblər. Terror aktı zamanı azərbaycanlılar xəsarət alan yaralılara kömək edib, həmçinin ilkin yardım göstəriblər. Onlar atışma zamanı orda olanlara kömək edərək insanları daha təhlükəsiz yerlərə köçürməkdə yardımçı olub.
