Marketlərdə qalıq problemi
1 qəpik əvəzinə kibrit, 5 qəpik əvəzinə saqqız, 15 qəpik əvəzinə qəhvə... Market və supermarketlərdə xırda pul qalıqlarının yerinə müştərilərə bu məhsullar verilir.
Bir çox alıcılar da öz puluna etinasız yanaşır. Xırda pulu götürməyə utananlar da var, onu lazımsız hesab edənlər də.
Belə vəziyyət obyekt sahibinə daha çox sərf edir. 3-5 qəpik vətəndaşlara böyük məbləğ kimi görünməsə də, bu qəpiklər müqabilində edilmiş satış marketlərə xeyli gəlir gətirir.
Qalıq pul əvəzinə zorla məhsul satmaq istehlakçı hüquqlarını pozsa da, qanunda bununla bağlı hər hansı cəza tədbiri nəzərdə tutulmayıb.
Ölkə.Az mövzu ilə bağlı xəzərxəbər-in hazırladığı materialı təqdim edir:
