AZAL bu biletləri qaytara bilər
“Azərbaycan Hava Yolları” QSC (AZAL) Türkiyədə baş vermiş hərbi çevriliş cəhdi ilə bağlı sifariş olunan aviabiletlərin cəriməsiz son qaytarılma tarixini açıqlayıb.
Ölkə.Az-ın məlumatına görə, bu barədə AZAL-dan məlumat verilib.
“Türkiyədə baş vermiş son hadisələri nəzərə alaraq, “Azərbaycan Hava Yolları” aviaşirkətinin 16-20 iyul tarixləri üçün İstanbul və Ankara istiqamətlərində uçan reyslərinə iyulun 15-dək yazılmış aviabiletlər avqustun 15-nə qədər müraciət olunması şərti ilə cəriməsiz qaytarıla bilər”, - deyə məlumatda bildirilir.
