Nazim Xəlilov yeni şöbəyə rəhbər getdi

Azərbaycan Milli Elmlər Akademiyasının (AMEA) Tarix İnstitutunda Elmi Şuranın 13 iyul tarixli iclasının qərarına əsasən, İctimaiyyətlə əlaqələr şöbəsi yaradılıb.

Qurumdan Ölkə.Az-a verilən məlumata görə, Elmi Şurada yeni şöbənin tərkibi təsdiq olunub və vəzifələri müəyyənləşdirilib. İnstitut üzrə verilmiş müvafiq əmrə əsasən, institutun mətbuat xidmətinin rəhbəri Nazim Xəlilov yeni şöbəyə rəhbərlik edəcək.

Qeyd edək ki, Tarix İnstitutunda İctimaiyyətlə əlaqələr şöbəsi AMEA-nın Rəyasət Heyətinin qərarına əsasən yaradılıb.