Bakıdan Şirvana həkim birqadaları göndərildi
Səhiyyə Nazirliyindən Şirvandakı partlayışla bağlı yeni açıqlama verilib.
Nazirliyin mətbuat xidmətindən Ölkə.Az-a verilən məlumata görə, Şirvan şəhərində baş vermiş hadisə ilə əlaqədar yerli səhiyyə müəssisələri səyləri səfərbər olunub.
Əlavə olaraq hadisə yerinə Bakıdan Təcili Təxirəsalınmaz Tibbi Yardım Xidməti tərəfindən 2 həkim briqadası (travmatoloq, reanimatoloq və s.) göndərilib və 3 həkim briqadası hazırda göndərilməkdədir.
Hadisə nəticəsində zərərçəkənlərə zəruri tibbi yardım təqdim edilir.
Nazirlikdən bildirilib ki, yaralıların sayının nə qədər olması barədə onlarda məlumat yoxdur. Qeyd edilib ki, çoxlu sayda təcili tibbi yardım maşını hazırda hadisə yerindədir, yaralılar xəstəxanaya yerləşdirilir.
