Səhiyyə Nazirliyi: Şirvandakı partlayış zamanı 20 nəfər yaralanıb
Şirvandakı partlayışda yaralananların sayı 20 nəfərə çatıb.
Bu barədə Ölkə.Az-a Səhiyyə Nazirliyinin mətbuat xidmətindən məlumat verilib. Hadisə nəticəsində ölən yoxdur.
***
Şirvanda Müdafiə Sənayesi Nazirliyinə aid zavodda qeydə alınan partlayış nəticəsində 11 nəfər xəsarət alıb.
Səhiyyə Nazirliyinin Mətbuat xidmətindən Ölkə.Az-a verilən məlumata görə indiyə qədər Şirvan Mərkəzi Şəhər Xəstəxanasına 11 xəsarət almış şəxs çatdırılıb.
Nazirliyinin Mətbuat xidmətinin rəhbəri Liya Bayramovanın sözlərinə görə, Şirvanda baş vermiş hadisədə xəsarət alanlara tibbi yardımın göstərilməsi səhiyyə naziri Oqtay Şirəliyevin şəxsi nəzarətinə götürülüb:
“Yaralılar Şirvan Mərkəzi Rayon Xəstəxanasına çatdırılıb. Onlar müxtəlif dərəcəli yanğın xəsarəti alıb”.
