Növbəti erməni təxribatı

Ötən gündən etibarən Tovuzun Əlibəyli kəndi ərazisində göy üzünü tüstü bürüyüb.

Ölkə.Az Region TV-yə istinadən xəbər verir ki, kəndlilərin sözlərinə görə, ermənilər əsasən küləkli havada quru ot sahələrinə od vuraraq alovun Tovuzun Əlibəyli, Ağdam, Hacallı kəndlərinə doğru yayılmasına, yaşayış məntəqələrinə ziyan vurmasına çalışırlar.

Bu zaman yanğından qorunmaq üçün yırtıcı heyvanlar, zəhərli sürünənlər də sərhədyanı kəndlərimizə tərəf istiqamət alırlar.

İki gündür davam edən yanğın zamanı sakinlər mina partlayışı səsləri eşitdiklərini də deyirlər: “Bu gündən də başlayıb minalar. Parta-part. Partlayıb yana-yana gəlir. Sabahdan 2-3 mina partlayıb. Əkirik, güllə çıxır. Təmizliyirik, partlayır. Hər yer güllədi”.