Bu il 260 nəfərdə qaraciyər sirrozu aşkarlanıb
Bu ilin birinci yarımilində hepatitlərin profilaktikası, diaqnostikası və müalicəsinin təşkili üzrə Səhiyyə Nazirliyində yaradılmış xüsusi komissiyaya 1388 müraciət (tibbi sənədlər) daxil olub.
Bu barədə Ölkə.Az-a nazirliyin mətbuat xidmətindən bildirilib. Məlumata görə, komissiyada iyunun 30-dək kumulyativ olaraq 5135 (hepatit C – 3961, hepatit B – 1174) müraciətə baxılıb. Nəticə olaraq 3533 şəxsin müalicəsi haqqında (48 həftə - 1032, 24 həftə - 2501) qərar qəbul edilib. PZR müayinəsinə göndərilmiş xəstələrin ümumi sayı 990 nəfər təşkil edib.
Hepatit B virusunun sağlam daşıyıcıları 577 nəfər, Hepatit B və Hepatit D koinfeksiyası 58 nəfər, Hepatit B və Hepatit C koinfeksiyası 77 nəfər, qaraciyər sirrozundan əziyyət şəkənlərin sayı 260 nəfər olub.
