ANS-dən rəsmi

ANS MYMŞ-in baş direktoru Mirşahin Ağayev Bakı Apellyasiya Məhkəməsinin qərarıyla bağlı açıqlama verib.

Ölkə.Az-ın məlumatına görə, o, qərarla razılaşmadıqlarını söyləyib:

"Bu gün məhkəmə olub. Məhkəmə ANS Media və Yayım Şirkətinin lisenziyasına xitam verilməsi barədə qərar qəbul edib. Təbii ki, biz bu qərarla razı deyilik. Bu qərardan müvafiq digər instansiyalara şikayətlə müraciət edəcəyik. İllah da ona görə ki, bu gün məhkəmənin özündə etiraf olunub ki, biz heç bir anons-filan verməmişik və ona görə də ümid edirəm ki, tezliklə haqq-ədalət öz yerini tapacaq".

Xatırladaq ki, bu gün Bakı Apellyasiya Məhkəməsində Milli Televiziya və Radio Şurasının ANS Müstəqil Yayım və Media Şirkətinin fəaliyyətinə xitam verilməsi ilə bağlı müraciətinə baxılıb.

Hakim Ülvi Mayılovun sədrliyi ilə keçirilən prosesdə şikayət təmin olunaraq telekanalın lisenziyasına xitam verilib.

İntiqam VALEHOĞLU
Ölkə.Az