Müəllimlərin pulsuz hazırladığı qız 692 bal topladı
Bu il keçirilən qəbul imtahanlarında yüksək bal toplayan abituriyent Aynur Babayevanın həyatı sosial şəbəkələrdə maraqla qarşılanıb.
Ölkə.Az-ın məlumatına görə, Ağdamdan məcburi köçkün olan Aynur Babayeva ailəsi ilə birlikdə Binəqədi rayonunda yerləşən köhnə zavodlardan birində yaşayır.
İmkansız ailənin övladı olan A. Babayevanı təhsil aldığı Binəqədi rayonu 314 nömrəli orta məktəbdəki müəllimləri Asif Salmanov (Azərbaycan dili - Ədəbiyyat), Ramal Alıyev (tarix), Maral Rzayeva (riyaziyyat) və Ruslan Nuriyev (ingilis dili) onu təmənnasız şəkildə ali məktəbə hazırlayıblar. Aynur imtahanda yalnız 1 suala səhv cavab verərək 692 bal toplayıb.
Müəllimlərin bu addımı sosial şəbəkələrdə və ictimaiyyət arasında təqdir olunur.
