MN-də rütbəsi aşağı salınaraq vəzifəsindən azad edilmiş Yaqub Əhədovun yerinə təyinat
Müdafiə Nazirliyinin Silahlanma idarəsinə yeni rəis təyin olunub.
Ölkə.Az xəbər verir ki, bir müddət əvvəl rütbəsi aşağı salınaraq vəzifəsindən azad edilmiş Yaqub Əhədovun yerinə Silahlı Qüvvələrin Baş Qərargahının Koordinasiya İdarəsinin rəisi, polkovnik Elxan Məcidov gətirilib.
E.Məcidov Koordinasiya idarəsinin rəisi vəzifəsində çalışmazdan əvvəl Baş Qərargah rəisi Nəcməddin Sadıkovun köməkçisi olub.
Xatırladaq ki, Məcidovun adı mətbuatda qalmaqallı hadisələrdə hallanıb. Belə ki, mətbuat ötən il Məcidovun zabit və əsgərləri öz villasında tikinti işlərində çalışdırdığını yazmışdı.
