Baş nazir “Xəzər Dəniz Gəmiçiliyi” ilə bağlı qərarında dəyişiklik etdi
Baş nazir Artur Rasizadə “Azərbaycan Xəzər Dəniz Gəmiçiliyi” QSC-nin nizamnaməsi və strukturunun təsdiq edilməsi barədə 24 yanvar 2014-cü il tarixli qərarınında dəyişiklik edib.
Ölkə.Az xəbər verir ki, dəyişikliyə əsasən, şirkətin nizamnamə kapitalı 14,77% və ya 56 milyon 630 min 377 manat artırılıb.
QSC-nin nizamnamə kapitalı 440 milyon 50 min 998 manata, səhmlərin sayı 440 milyon 50 min 998-ə çatdırılıb.
Qeyd edək ki, indiyənə qədər “Azərbaycan Xəzər Dəniz Gəmiçiliyi”nin kapitalı hər birinin nominal dəyəri bir manat olan 383 milyon 420 min 621 səhm əsasında formalaşmışdı.
