Azərbaycanda körpələrə hökmdarların adları da verilir
Ölkədə doğulan körpələrə Azərbaycan hökümdarlarının adları da verilir.
Ölkə.Az xəbər verir ki, Ədliyyə Nazirliyindən Report-a verilən məlumata görə, son beş ildə doğulan uşaqlardan 26-sı Xətai adlandırılıb.
25 körpəyə Fətəli, 81-nə Şəmsəddin, 28-nə İbrahimxəlil, 1-nə Mehdiqulu, 2-nə Qacar, 10-na Mehrəli, 10-na Şahverdi, 105-nə Ziyad, 22-nə Ziyadxan adı qoyulub.
Bundan başqa, son beş ildə doğulan körpələrə Cahan (273), Cavad (634), Cavadxan (24), Pənahəli (3), Cavanşir (214), Əmirxan (102), Sara (871), Tomris (37), Saraxatun (9) kimi adlar verilib.
Verilən adlar arasında Ziyadə, Ziyaddin, Ziyadəli, Ziyadi, Ziyadət, Ziyaddın, Cahandar, Cahanə, Cahanbanu, Cahana, Cahanxanım, Cavadağa, Cavadəli, Sarabəyim, Saraxanım, Saranur, Sarah kimi adlar da var.
