Eldar Mahmudovun daha bir əməli ortaya çıxdı
Hazırda həbsdə olan tanınmış iş adamı İlham Qasımovun ailəsi Ölkə.Az-a növbəti məktubu göndərib. Məktubu olduğu kimi təqdim edirik.
03.08.2016-cı il tarixli “Yenicag.az” saytında dərc edilmiş “Pullarını vermişəm”- “Eldar Mahmudovun tikinti maqnatı Kürdaxanıdan hücuma keçdi” başlıqlı məqalədə qeyd edilir ki, guya İlham Qasımov sabiq Milli Təhlükəsizlik Naziri Eldar Mahmudovla yaxın münasibətlərdə olmuş, bir vaxtlar Eldar Mahmudovun "krişalığı", Ermənistanla narkotik ticarəti, iri həcmli pul, obyekt və s. dələduzluqları ilə böyük pullar əldə etmişdir.
Gülağa Tənha və Eldar Mahmudov
Həmin məqalə İlham Qasımovu nüfuzdan salmaq və onun barəsində cəmiyyətdə düzgün olmayan fikir formalaşdırmaq məqsədi güdür. Çünki yalnız bu yolla İlham Qasımovun sifarişli həbsini ört-basdır etmək olar.
Bildiririk ki, İlham Qasımovun Eldar Mahmudovla və onun tabeliyində olan vəzifəli şəxslərlə hər hansı bir münasibəti olmamışdır.
İlham Qasımov yalnız bir dəfə Akif Çovdarovla qarşılaşmışdır. Onda da İlham Qasımovu qanunsuz tutaraq MTN-ə gətirmiş və bir neçə gün orada qanunsuz saxlamışlar. Sonradan ondan təzyiq və şantaj yolu ilə 1.500.000 manat məbləğində pul aldıqdan sonra azad etmişlər.
İlham Qasımov bu qanunsuzluq barədə dərhal ölkə başçısına və aidiyyatı hüquq mühafizə orqanlarına müraciət etmişdir.
İlham Qasımov
Hazırda Azərbaycan Respublikası Baş Prokuroru yanında Ağır cinayətlər üzrə istintaq İdarəsində sabiq MTN-nin əməkdaşları barəsində aparılan cinayət işi üzrə İlham Qasımov zərərçəkmiş şəxs kimi tanınmışdır.
Onun vermiş olduğu ifadəni təqsirləndirilən şəxs Akif Çovdarov etiraf etmiş və sabiq nazirinin göstərişi ilə hərəkət etdiyini bildirmişdir.
Əksinə, Gülağa Qəmbərov sabiq Milli Təhlükəsizlik Naziri Eldar Mahmudovla yaxın münasibətlərdə olmuşdur. Onun birlikdə çəkdirdikləri foto da bu faktı təsdiq edir. Güman etmək olar ki, İlham Qasımov barədəki məlumatları da elə MTN-ə Gülağa Qəmbərov vermişdir.
Gülağa Qəmbərov (Gülağa Tənha)
Dərc olunmuş məqalədə İ.Qasımovu ittiham edirlər ki, SAHİL D-nin direktoru olaraq, bir evi beşinə satıb. Bu da Gülağanın yersiz böhtanlarından irəli gəlir. İlham Qasımov Sahil D-nin yeddi ortaqlarından biridir. Nəzərinizə çatdıraq ki, iki ortaq Azərbaycan vətəndaşı, beş ortaq isə türk vətəndaşıdır. Qasımov ən böyük sərmayə qoyan və ən çox da zərərçəkmiş şəxslərdən biridir. Qasımov biləndə ki, həmin ortaqlardan biri saxta möhür düzəldib bir evi beş adama satır, dərhal özü Azərbaycan Respublikasının Baş Prokururorluq yanında Korrupsiyaya qarşı mübarizə Baş İdarəsinə müraciət edir ki, ətəndaşların aldanmasının qarşısını almaq üçün tədbir görülsün. Bu müraciətdən sonra Baş prokurorluq yanında Korrupsiyaya qarşı Baş İdarəsində cinayət işi qaldırılır. İki nəfəri həbs edib, vətəndaşlara dəyən ziyan ödənilir. Bir nəfərə də cinayət işi açılıb və bu günə qədər hələ də davam edir, çünki vətəndaşlara dəymiş 70 evin ziyanı ödənilməmişdir. Qasımov Sahil D-də ev satmır və satmaqla da məşğul deyil. Çünki SAHİL D-nin direktoru var, onu da Türk ortaqları təyin edib, həmin direktor türk ortaqlarına da tabedir.
O ki qaldı Qasımovun həbsinə, Gülağa Qəmbərov sonradan öz adını və soyadını dəyişdirən (Albert Mixayloviç Urov) “krişası” General Müqəddəs Sultanovun (Azərbaycan Respublikası Baş Prokurorluğunun Analitik İdarəsinin Rəisi) sifarişi ilə həbs etdirib.
Gülağa Qəmbərov ümumi tanışı olan Pərvin Cəfərov ilə İlham Qasımovu “Bakı-Bulvar”a çağırtdıraraq orada bildirdi ki, kaş biz özümüz əvvəlcədən Müqəddəs Sultanov olmadan tanış olardıq. (Onu da qeyd edək ki, Gülağa Qəmbərov Pərvin Cəfərova 15.000.000 manat borcludur). Müqəddəs Sultanov hər ikimizə ortaq oldu, hər ikimizi də bədbaxt elədi. Çünki sən ortaqlıqdan çıxdıqdan sonra əlavə məndən tikinti üçün 6.000.000 manat pul aldılar. Müqəddəs Sultanov bildirdi ki, Abbas Səfərov (Müqəddəs Sultanovun digər ortağı) o binanı 15-ci mərtəbəyə qədər qaldıracaq, sonra satışdan gələn pul ilə tikiləcək və mən bir daha ora pul qoymayacam. Bir ay aradan keçdikdən sonra bildim ki, Abbas Səfərovun Beynəlxalq Milli Banka 2.000.000 manat kredit borcu var. Və Müqəddəs Sultanov Abbası qurtara bilmədiyini görüb Gülağadan aldığı 6.000.000- dan 2.000.000 manatı Abbası məsuliyyətdən qurtarmaq üçün kredit borcunu ödəyib.
Mübahisə də Gülağa Qəmbərovun Müqəddəs Sultanovdan ala bilmədiyi 6.000.000 manatın davasıdır. Çıxış yolunu isə İlham Qasımovu həbs etdirərək malını və mülkünü aldıraraq Gülağa Qəmbərova olan 6.000.000 manat borcunu İlham Qasımova ödətdirmək istəyir. Bunun təsdiqi İlham Qasımovun qeyri-qanuni həbsidir.
Bildiyimizə görə, həmin qalan 4.000.000 manatı Müqəddəs Sultanov Avropa vətəndaşlığında olan qardaşı vasitəsilə xarici ölkəyə sərmayə qoymuşdur....
İlham Qasımov öz payını 15 sentyabr 2014-cü il tarixində Bakı şəhəri 51 saylı xüsusi natarius tərəfindən təsdiqlənmiş müəssisəsindəki payını alqı-satqı müqaviləsi əsasında MTK REAL MTK-dakı 10% Əliyev Təranə Novruz qızına (Müqəddəs Sultanovun həyat yoldaşına) 45%-ni Rüstəmov Şəhla Əliağa qızına (Gülağa Qəmbərovun həyat yoldaşı) satmışdır və həmin vaxtdan da Kooperativin üzvlüyündən çıxmışdır. Buna məhəl qoymayan Baş Prokurorluq yanında Korrupsiyaya qarşı mübarizə İdarəsi tərəfindən General Müqəddəs öz vəzifəsindən sui-istifadə edərək İlham Qasımovu 21.06.2016-cı il tarixində qanunsuz həbs etdirmişdir.
Yazaraq sizə bildirirəm ki, İlham Qasımov Səfəralı oğlu uzun müddətdir ki, sahibkarlıqla məşğul olur. İndiyənə qədər bir çox hündür mərtəbəli binaların tikintisi ilə məşğul olmuş, dövlət layihələrində fəal iştirak etmiş, dövlət və dövlətçiliyə sədaqəti ilə seçilmişdir. Qasımov İlham xeyriyyəçi kimi Beyləqan rayonunda bir çox insanlara köməklik göstərmiş, 1993-cü ildə iyunun 15-i Ümumilli lider Heydər Əliyevin qayıdışı münasibəti ilə “Heydər baba” məscidini öz şəxsi vəsaiti hesabına tikdirib insanların istifadəsinə vermişdir. Və 2013-cü ildə Astara rayonunda dövlət tenderlərini həyata keçirdiyi zaman ilk dəfə ən böyük YAP-ın binasını tikdirib MTK REAL tərəfindən YAP-a hədiyyə etmişdir. Bunu deməkdə məqsədimiz odur ki, İlham həmişə dövlətini sevmiş və dövlətinə sədaqəti ilə seçilmişdir.
