Azərbaycanda nə qədər insan məişət zorakılığına məruz qalır?
Azərbaycanda bu ilin yanvar-iyun ayları ərzində 434 məişət zorakılığı cinayəti baş verib.
Ölkə.Az xəbər verir ki, bu barədə Dövlət Statistika Komitəsinin məlumatında bildirilir.
Məlumatda qeyd olunur ki, bu cinayətlərin 7,4 faizi sərxoş vəziyyətdə törədilib. 11,8 faizi əvvəllər cinayət törətmiş şəxslər tərəfindən törədilib.
Məişət zorakılığı nəticəsində baş vermiş cinayətlərin 0,9 faizi qəsdən adam öldürmə və adam öldürməyə cəhd, 1,2 faizi qəsdən sağlamlığa ağır zərər vurma, 96,1 faizi qəsdən sağlamlığa az ağır və yüngül zərər vurma, 0,9 faizi əzab vermə, 0,9 faizi isə digər cinayətlərə aiddir.
Məişət zorakılığı cinayətləri nəticəsində 521 nəfər zərər çəkib ki, onların da 81 faizini qadınlar təşkil edir.
