Rövşən Lənkəranski son mənzilə yola salınır
Rövşən Lənkəranskinin dəfn mərasiminə hazırlıqlar görülüb.
Musavat.com bildirir ki, səhər tezdən Lənkəran Rayon İcra Hakimiyyətinin Mənzil Kommunal İstismar Sahəsinin işçiləri İmam Hüseyn məscidinə gələn yollarda təmizlik işləri aparıblar. Rövşən Lənkəranskinin cənazəsinin olduğu məscidin qarşısında çadırlar qurulub. Məscidin önündə xeyli adam var.
Hər dəqiqə əraziyə yeni-yeni şəxslər gəlir. Əllərində gül dəstələri gətirənlər də gözə dəyir. Məscidə uzanan yollarda çoxsaylı maşınlar dayanıb, maşınlarda yatan şəxslərin çoxluğu onu deməyə əsas verir ki, Lənkərana Azərbaycanın hər yerindən, o cümlədən müxtəlif ölkələrdən axın var.
Mərhumun dəfn mərasiminin saat 10-da cənazə namazından sonra olacağı gözlənilir.
