Bakıda 40 min manatlıq borcu olan telefon
Sosial şəbəkələrdə Bakıda yerləşən obyektin 41 min manatlıq borcu olmasına baxmayaraq abunəçi xəttinin açıq olması barədə məlumatlar yayılıb.
Ölkə.Az A24.Az-a istinadən xəbər verir ki, məlumatlara görə, 41 manatdan çox borcu olan bu telefon bir neçə aydır ki, borcu olmasina baxmayaraq işləyir, həmçinin internet üçün 7 ayliq ödəniş borcu, yəni 70 manat da əlavə borc mövcuddur.
Məsələ burasındadır ki, adi vətəndaş borcunu 2 ay ödəmədiyi təqdirdə xətti bağlanır, amma bu abunəçi yüksək borcu olmasına baxmayaraq açıq telefon xəttindən yararlanmağı bacarib. Bunun səbəbini aydınlaşdırmaq üçün A24.Az Rabitə və Yüksək Texnologiyalar Nazirliyinə müəyyən suallar ünvanladırdı, amma bu suallara yayındırıcı cavablar verildi. Hətta bu abunəçi barədə məlumatın qondarma ola biləcəyini də söylədilər.
Amma A24.Az saytının araşdırmaları belə bir telefon nömrəsinin mövcudluğunu və onun yüksək borca malik olduğunu ortaya çıxardı. Həmin nömrə (4404404) “Azərişıq” Dövlət Şirkətinə məxsusdur. Bir həftə əvvəl həmin nömrəinin borcu 41 min manat olduğu halda, bu gün həmin borc 37 min manata düşüb.
Bu fakt məntiqi sual doğurur: Nədən vətəndaş 12,5 manat borca görə telefonunu itirə bildiyi halda, bu cür sərt qaydalar dövlət idarələrinə şamil edilmir. Hər halda, bu cür borclar bütövlükdə Azərbaycan İqtisadiyyatı üzrə debitor borclarını artırır, nəticə ölkə iqtisadiyyatı üçün yeni bir əngəl mexanizminə çevrilir.
