BSU-dan fərqli olaraq bu universitet tarixi mozaikaları sökmədi

Bakı Slavyan Universitetinin (BSU) giriş hissəsinin fasadında Azərbaycanın tanınmış şair və yazıçılarının təsvir olunduğu mozaikanın sökülməsi qalmaqala səbəb olmuşdu.

Universitetin rektor əvəzi Əbülfəz Nağıyev isə bunu mozaika daşlarının tökülməsi ilə əsaslandırmışdı.

O, sözügedən mozaikanın heç bir tarixi əsasının olmadığını və daşların keyfiyyətini itirdiyini demişdi.

Ölkə.Az sözügedən tarixi mozaikalarla bağlı kiçik araşdırma aparıb. Araşdırma zamanı məlum olub ki, Bakı Slavyan Uuniversitetinin 10 metrliyində yerləşən Azərbaycan Dövlət Pedaqoji Universitetinin (ADPU) korpusunun girişindəki oxşar mozaikalara toxunulmayıb. Halbuki, Azərbaycan Dövlət Pedaqoji Universitetinin Süleyman Rüstəm küçəsində yerləşən korpusundakı mozaikalar da yeni deyil. Ancaq həmin təsvirlərin sökülməsinə lüzum görülməyib.

Ölkə.Az Dövlət Pedaqoji Universitetinin Süleyman Rüstəm küçəsində yerləşən korpusundakı mozaikaların fotolarını oxuculara təqdim edir.