Bakıda iki polis bölməsinə yeni rəis təyin edilib

Azərbaycanın daxili işlər orqanlarında yeni təyinatlar olub.

Ölkə.Az-ın Report-a istinadən xəbərinə görə, daxili işlər naziri, general-polkovnik Ramil Usubovun imzaladığı müvafiq əmrə əsasən, Nizami Rayon Polis İdarəsinin (RPİ) 25-ci Polis Bölməsinin rəisi, polis polkovnik-leytenantı Rafael Albabayev vəzifəsindən azad edilərək 23-cü Polis Bölməsinə rəis təyin edilib.

Nazirin digər əmri ilə Nizami RPİ-nin 23-cü Polis Bölməsinin rəisi, polis polkovnik-leytenantı Nəsib Məmmədov Binəqədi RPİ-nin 6-cı Polis Bölməsinə rəis təyin olunub.