Rusiya hərbi təyyarələri Xəzərdə uçuşlara başladı

Rusiya Qara dəniz donanmasının dəniz aviasiyası qoşunların Qara dəniz və Xəzər dənizi hövzələrində hava kəşfiyyat uçuşları aparır.

Ölkə.Az Rusiya mediasına istinadən xəbər verir ki, uçuşlar Putinin əmri ilə həyata keçirilən qəfil döyüş hazırlığının yoxlanılması tədbirləri ilə bağlıdır.

Təlimlərdə Şimal donanmasının dəniz aviasiyasına məxsus “İl-38” və “Tu-142” təyyarələri iştirak edir. Qara dənizdə hərbi təyyarələr şərti düşmənin sualtı qayıqlarının axtarışı, izlənməsi və onun su üzərinə çıxmasına məcbur edilməsinə dair tapşırıqları həyata keçirib. Təlimllərdə 30-dan çox təyyarə iştirak edir. Onların 3 min kilometrdən artıq məsafə qət etdiyi xəbər verilir. Təlim çərçivəsində təyyarələr Cənub Hərbi dairəsinin aerodromlarında dislokasiya olub .

Xatırladaq ki, keçən həftə prezident Vladimir Putinin əmri ilə Rusiya Müdafiə Nazirliyi bütün qoşun növlərində döyüş hazırlığının yoxlanılmasının başladığını elan etmişdi.

İlhamə
Ölkə.Az