Ramil Usubov iki rayona yeni polis rəisi təyin etdi
Azərbaycanda daha iki rayona yeni polis rəisləri təyin edilib.
Ölkə.Az xəbər verir ki, bu barədə daxili işlər naziri, general-polkovnik Ramil Usubov müvafiq əmr imzalayıb.
Əmrə əsasən, Bərdə rayon Polis Şöbəsinin rəisi vəzifəsindən azad olunmuş Hikmət Quliyev Şirvan şəhər Polis Şöbəsinin rəisi təyin olunub.
Nazirin digər əmri ilə Xəzər rayon Polis İdarəsinin əməliyyat işləri üzrə rəis müavini İlqar Məmmədov Bərdə rayon Polis Şöbəsinin rəisi vəzifəsinə təyinat alıb.
Qeyd edək ki, Şirvan rayon Polis Şöbəsinin rəisi Şahin Mirzəyevtutduğu vəzifədən azad edilərək Şamaxı rayon Polis Şöbəsinin rəisi, Şamaxı rayon Polis Şöbəsinin rəisi Habil Əmiraslanov isə tutduğu vəzifədən azad edilərək Masallı rayonun Polis Şöbəsinin rəisi vəzifələrinə təyin olunublar.
