Azərbaycan üst pillədə

Ölkəmiz MDB dövlətləri içərisində ilk üçlükdədir

Azərbaycan, Rusiya və Belarus MDB-nin minimum əməkhaqqı göstəricisinin yüksək olduğu dövlətlərdir.

Pensiyanın minimum məbləğinin əməkhaqqının minimum məbləğinə nisbətinə görə Azərbaycan 95,2%-lə birinci, Belarus 79,8%-lə ikinci, Rusiya 70,4%-lə üçüncü sıradadır.

Bunu Dövlət Sosial Müdafiə Fondunun sədri Elman Mehdiyev deyib.

Onun sözlərinə görə, Azərbaycanda pensiyaçıların uzunmüddətli etibarlı sosial müdafiəsini təmin etmək üçün milli pensiya sisteminin inkişafında beynəlxalq tendensiyalar nəzərə alınır, pensiya təminatı daim yenilənən müair tələblərə uyğunlaşdırılır. Beynəlxalq təcrübə göstərir ki, pensiya sisteminin səmərəliliyi maliyyə dayanıqlığından asılıdır.

O bildirib ki, ölkədə pensiyaların orta aylıq məbləği pensiyaçılar üçün yoxsulluq həddini 1,7 dəfə üstələyir. Halbuki 2003-cü ildə bu göstərici yoxsulluq həddindən 2 dəfə aşağı olub. 2003-2014-cü illər ərzində isə əmək pensiyalarının orta aylıq məbləği 9,4 dəfə artaraq 18,4 manatdan 173 manata çatıb. Yaşa görə pensiyaçılar üzrə əvəzetmə əmsalı isə 29,3 faizdən 43,4 faizə çatıdırılıb.(ANS PRESS)

Ölkə.Az