Əbülfəs Qarayev: Turistlər çox vaxt hotellərdə yer tapa bilmirlər
“Azərbaycana gələn turistlər çox vaxt hotellərdə yer tapa bilmirlər. Bu, stimuldur. Ona görə də növbəti mərhələdə yeni hotellərin tikilməsi nəzərdə tutulur”.
Ölkə.Az “Report”a istinadən xəbər verir ki, bunu Mədəniyyət və turizm naziri Əbülfəs Qarayev deyib.
Nazir bildirib ki, bu il Azərbaycana gələn turistlərin sayında kifayət qədər artım müşahidə olunub:
“Viza rejiminin sadələşdirilməsi, qonaqpərvərlik sisteminin təkmilləşdirilməsi sahəsində aparılan işlər müsbət nəticəsini verməkdədir. Hazırda biz hotellərdə yerlərin məhdudluğu ilə rastlaşırıq”.
