Azərbaycanda yeni telekanal açıldı
“Region” televiziyasının rəhbərliyi Region TV brendinin dəyişildirilməsi ilə bağlı mətbuat konfransı keçirib.
Ölkə.Az xəbər verir ki, telekanalın strateji inkişaf direktoru İsmayıl Həsənov deyib ki, 6 bölgə televiziyasının bir araya gəlməsi ilə yaradılan “Region TV” öz brendini yeniləyərək bundan sonra “ARB TV” (Azerbaijan Republic Broadcasting – Azərbaycanın Respublika Yayımçısı) adı ilə fəaliyyətini davam etdirəcək.
“Burada əsas məqsədimiz geniş auditoriyaya hesablanmış fərqli efir konsepsiyası təqdim etməkdir. Bunun üçün hər zövqə uyğun, bir-birindən maraqlı layihələrlə, ölkə və dünya gündəmini əks etdirən informasiya proqramları ilə tamaşaçıların qarşısına çıxacağıq. Peykdə yayımlanan tərəfdaşlarımız 3 tematik telekanal, adlarını yenilənmiş brendlərimiz “ARB”-yə uyğunlaşdırraq “TTV (Türkel TV)- “ARB 24”, “Alternativ TV”-“ARB Ulduz”, “Günəş TV”-“ARB Günəş” olaraq fəaliyyətini davam etdirəcək”.
TV rəsmis qeyd edib ki, tərəfdaşlıq etdikləri bölgə televiziyalarının adları da “ARB” brendinə uyğunlaşdırılıb. Belə ki, “Kəpəz TV”- “ARB Kəpəz”, “Kanal S” –“ARB Şəki”, “RTV”-“ARB Şimal”, “CTV”-“ARB Cənub”, “El TV- “ARB Aran” olaraq fəaliyyət göstərəcək.
***
Media tərəfdaşlıq layihəsinin tərkibinə Kəpəz FM radiosu da daxildir.Bu gündən etibarən Azərbaycanın informasiya məkanında yeni telekanal fəaliyyətə başlayır.
Ölkə.Az xəbər verir ki, Region TV-nin nəzdində fəaliyyət göstərəcək kanalın adı ARB-dir. Yeni kanal bu gün Bakı vaxtı ilə 12:00-da efirə başlayacaq.
Qeyd edək ki, bir müddət öncə Region TV bağlanmış ANS telekanalının əksər işçilərini işə götürmüşdü. Onların çoxunun bu yeni kanalda çalışacağı gözlənilir.
Kanal əsasən şou, mədəniyyət, sosial və digər sahələrdən hazırladığı maraqlı proqramlarla izləyicilərinin qarşısına çıxacaq.
