Ağsuda toy günü 19 yaşlı qızı qaçıran oğlanın qardaşı da nişanlı qız qaçırıbmış

Toy günü 19 yaşlı nişanlı qızı qaçıran şəxsin ailəsi barədə Ölkə.Az-a ilginc hesab ediləcək informasiya daxil olub.

Əldə etdiyimiz məlumata görə, Ağsunun Göydəlləkli kənd sakini olan iş adamı Seymur Əsədovun ailəsində bu ilk belə hal deyil. Belə ki, onun digər qardaşı Teymur Əsədov da (ad şərtidir-red.) bir neçə il öncə nişanlı qızı qaçırıbmış və hazırda həmin xanımla ailəlidir.

Bildirilir ki, zərərçəkmiş İsmayıllı rayon Topçu kənd sakini C.M. qızın ailəsinə qarşı iddia qaldıraraq, dəymiş ziyanın ödənilməsini tələb edib. Qızın atası isə iş adamının atasına bildirib ki, ziyanı ödəmək üçün ona kömək etsin:

"Qızın atası qızını qaçıran oğlanın atasına deyib ki, heç olmasa ziyanımıza şərik olun. Amma oğlan atası deyir ki, ən yaxşı halda 700-800 manat kömək edə bilərəm. Bu məbləğ isə dəymiş ziyanın heç on faizi eləmir. Oğlanın atası deyir ki, oğlumla özünüz bilərsiniz. Belə deyir ki, məsuliyyətdən yayınsınlar, ortalıq sakitləşsin".

Qeyd edək ki, sentyabrın 20-də Ağsunun Göydəlləkli kəndindən olan qız toy günü həmkəndlisinə qoşularaq qaçıb.

İntiqam VALEHOĞLU
Ölkə.Az