Əlillərin Bərpa Mərkəzindəki çatışmazlıq nədir?

Bir qrup Qarabağ əlili, Əlillərin Bərpa Mərkəzi barədə düşüncə və təkliflərini Ölkə.Az-la bölüşüblər.

Qarabağ əlilləri Əlillərin Bərpa Mərkəzindəki şərait və personaldan razılıq etsələr də, Mərkəzin kiçik olmasından narazılıq ediblər. Qarabağ əlilləri bildiriblər ki, mərkəz 50 xəstə üçün nəzərdə tutulub, ancaq oraya müraciət edənlərin sayı çoxdur. Əlillərin Bərpa Mərkəzində eyni anda 100 əlilin müalicə ala bilməsi üçün yeni korpusun tikilməsinə ehtiyac var.

Əlillərin Bərpa Mərkəzində müalicə alan ehtiyyatda olan Əfqanıstan, Qarabağ müharibəsi veteranı kapitan Tərlan Eyvazov Ölkə.Az-a Əlillərin Bərpa Mərkəzindəki şəraitdən razılığını bildirdi.

Əfqanıstan, Qarabağ müharibəsi veteranı Tərlan Eyvazovun sözlərinə görə, Əlillərin Bərpa Mərkəzində baş həkim Günay Rəfiyevanın rəhbərliyi ilə yaradılan kollektiv, Qarabağ əlillərinə növbədən kənar xidmət, xüsusi diqqət, qayğı göstərir. Bizimlə birlikdə bir neçə əlil Mərkəzdə müalicə alırdı. Sizə müraciət etməkdə məqsədim Qarabağ əlilləri, veteranları adından onlara göstərilən münasibət, xidmət, orda gördükləri yüksək peşəkarlığa görə Əlillərin Bərpa Mərkəzinin kollektivinə təşəkkür etməkdir".

Tərlan Eyvazov onu da qeyd etdi ki, Mərkəzin böyüməsinə ehtiyac var. Mərkəz az sayda əlili qəbul edə bilir. Əgər Mərkəz genişləndirilərsə, bütün Qarabağ əlilləri orada müalicə ala bilər.

Səxavət Məmməd
Ölkə.Az