DİN 39 nəfəri həbs etdi
Respublikanın daxili işlər orqanları tərəfindən ötən gün 92 cinayət faktı qeydə alınıb. Onların 32-nin üstü “isti izlər”lə açılıb.
Daxili İşlər Nazirliyinin mətbuat xidmətindən Ölkə.Az-a verilən məlumata görə, Cinayət Məcəlləsinin müxtəlif maddələri ilə axtarılan 18 nəfər tutularaq istintaq orqanlarına təhvil verilib.
Respublikanın avtomobil yollarında baş vermiş iki yol-nəqliyyat hadisəsi nəticəsində iki nəfər xəsarət alıb.
Daxili işlər orqanları əməkdaşlarının keçirdikləri əməliyyat-axtarış tədbirləri nəticəsində narkotiklə əlaqəli 6 fakt müəyyənləşdirilib.
Cinayət törətdiklərinə görə 39 nəfər tutulub.
