Referendum Aktı qəbul edildi
Bu gün keçirilən Mərkəzi Seçki Komissiyasının iclasında 2016-cı il sentyabrın 26-da keçirilmiş ümumxalq səsverməsinin (referendumun) nəticələri barədə protokol təsdiq edilib.
Ölkə.Az-ın məlumatına görə, MSK-nın protokolunda respublika üzrə seçici fəallığının 69,7 faiz olduğu qeyd olunub.
Həmçinin, referendumda yol verilən nöqsanlara görə 6 seçki məntəqəsinin seçki komissiyası buraxılıb, 3 seçki məntəqəsində səsvermənin nəticələri tam, bir seçki məntəqəsində qismən ləğv edilib. Səsvermədə iştirak etmiş seçicilərin yarısından çoxu ümumxalq səsverməsinə (referenduma) çıxarılmış Referendum Aktının 29 hissəsinin hər birinin lehinə səs verdiyindən Referendum Aktı qəbul edilib.
Sonda MSK üzvlərinin hamısı protokola imza atıb.
Zaur Əziz
Ölkə.Az
