Qurbağa əti satan azərbaycanlı oğlan
Bu yaxınlarda qurbağa əti istehsalı ilə gündəmə gələn “Azərifrog” MMC-nin rəhbəri, gənc sahibkar Rauf Hüseynzadənin köməkçisi Azərbaycanda ilk dəfə olaraq qurbağa əti istehsal edəcək biznes layihə barədə açıqlama verib.
Rauf Hüseynzadənin köməkçisi Ölkə.Az-a açıqlamasında deyib ki, Azərbaycanda qurbağa əti istehsal edəcək bu müəssisə hələ tam hazır deyil. Onun sözlərinə görə, hazırda bu istiqamətdə müvafiq işlər gedir və xarici ölkələrlə danışıqlar aparılır:
“Hazırda Çin, Yaponiya, Braziliya və digər ölkələrdən bu sahəyə investisiya yatırmaq istəyən iş adamları var. Rauf Hüseynzadə də həmin ölkələrin nümayəndələri ilə danışıqlar aparır. Həmin investorların bir çoxu real olaraq Azərbaycanda bu sahəyə sərmayə qoymaq istəyir. İnşallah, yaxın zamanlarda danışıqlar müsbət nəticələnəcək”.
Xatırladaq ki, uzun müddət Fransada yaşayan Rauf Hüseynzadə 2015-ci ildən qeydiyyata düşən “Azərifrog” MMC-nin rəhbəridir.
Zaur Əziz
Ölkə.Az
