Azərbaycan Milli Nümayəndə heyəti Avropa Şurasının konqresinin sessiyasında iştirak etmişdir
17-21 oktyabr 2016-cı il tarixlərdə, Strasburqda (Fransa) Avropa Şurasının Yerli və Regional Hakimiyyətləri Konqresinin 31-ci Sessiyası keçirilmiş, Sessiyada Azərbaycan nümayəndə heyəti iştirak etmişdir.
Ölkə.Az naxcivanxeberleri.com-a istinadən xəbər verir ki, yerli və regional səviyyədə etika və şəffaflıq devizi altında təşkil olunmuş Avropa Şurasının Konqresinin budəfəki sessiyasında bir sıra nümayəndə heyətləri, o cümlədən Azərbaycan nümayəndə heyətinin də milli münayəndə heyətinin yeni tərkibi təsdiq olunmuş bir sıra məslələr ətrafında müzakirələr aparılmışdır.
Qurumun cari Sessiyasında bu ilin sentyabr ayında ölkəmizdə keçirilmiş referendumla bağlı məlumat verilmişdir. Toplantılarda çıxış edilərək referendumun gedişi barədə məlumat verilmiş, bu prosesi izləyən AŞPA və Avropa Birliyinin Regionlar Komitəsinin səsvermə prosesini yüksək qiymətləndirdiyi nümayəndələrin nəzərinə çatdırılmış, referendumda qəbul olunan Konstitusiyanın yeni normalarının (seçki senzinin ləğv edilərək gənclərin siyasi iştirakı səviyyəsinin gücləndirilməsi, idarəetmənin səmərələşdirilməsinə yönəldilən tədbirlər paketi və s.) ölkəmizin qəbul etdiyi öhdəliklərə tam uyğunluğu və ən əsası Azərbaycan seçicisinin mütləq əksəriyyəti tərəfindən müdafiə olunduğu bildirilmişdir.
Sessiyanın gedişində milli nümayəndə heyəti digər məsələlərin müzakirəsində fəal iştirak etməyə çalışmış, “Türkiyədə merlərin vəziyyətinə dair” adlı dinləmələrdə nümayəndə heyətinin rəhbəri tərəfindən çıxış edilmiş, bu ölkədə 15 iyul dövlət çevrilişi cəhdindən sonrakı duruma toxunulmuş, eləcədə Türkiyənin terorrizmlə mübarizəsinə hərtərəfli dəstək verilməli olduğunu, Konqresin də bu siyasəti izləməsinin zəruriliyi barədə qeyd olunmuşdur.
Əlavə olaraq Sessiyanın ilk günündə keçirilmiş plenar iclasında Azərbaycan nümayəndə heyətinin rəhbəri, Naxçıvan Muxtar Respublikasının Ali Məclisinin deputatı Anar İbrahimov tərəfindən hazılanmış sual Avropa Şurasının Baş Katibi Törnbörn Yaqlanda ünvanlanmışdır. Sualda bildirilmişdir ki, dünyada mövcud olan 25 milyon məcburi köçkünlərin 5 milyonu Avropa Şurasının üzv-dövlətlərində olduğu halda nə üçün onların hüquqlarının qorunması qurumun prioriteti olmadığı, bəzi insanların fərdi hüquqlarının pozulduğu iddiaları qədər diqqət görmədiyinin səbəbi soruşulmuş, bunun ikili standart olduğu bildirilmişdir. Baş Katib ona ünvanlana suala geniş cavab vermiş, dolayısı ilə qəbul etmişdir ki, AŞ-nın məcburi kömkünlərin insan hüquqlarının kütləvi pozulmasına reaksiya vermək üçün səmərəli mexanizmi mövcud deyil.
Konqresin 32-ci Plenar Sessiyası 2017 ilin mart ayında Strasburqda keçirilməsi qərara alınmışdır.
