İçərisində xəstə olan avtomobili cərimə meydançasına aparmaq olarmı?
Yol polisinin biri “problem yoxdur” dedi, digəri isə “ön şüşə standarta cavab vermir” deyib sürücünü cərimələdi. Özü də içərisində xəstə ola-ola maşını cərimə meydançasına göndərdi. Bəs qanunla yol polisinin bu addımı nə dərəcədə düzgündür?
Ölkə.Az xəbər verir ki, məsələni Xəzər TV araşdırıb.
Bir yol polisi Tərtər sakini Namiq Süleymanovun maşınını saxlayaraq ön şüşənin tündlülüyünün normal olduğunu deyib. Ancaq bundan bir neçə gün sonra başqa bir yol polisi onu saxlayaraq avtomobilin ön şüşəsinin standartlara cavab vermədiyini söyləyib və maşında xəstə olmasına baxmayaraq, avtomobili cərimə meydançasına göndərib.
Nəqliyyat eksperti Ərşad Hüseynov bildirir ki, qanunda var ki, yol polisi avtomobilin ön şüşəsinin rənginin standartı pozularsa, onu saxlayaraq 150 manat məbləğində cərimə edə bilər. Ancaq bu zaman yol polisi tərəfindən ön şüşənin məhz sürücü tərəfindən qəsdən dəyişdirilməsi sübut olunmalıdır.
O ki, qaldı avtomobilin içində xəstə olduğu halda maşının cərimə meydançasına göndərilməsinə Ərşad Hüseynov bildirir ki, hazırda qanunlar bunu etmək üçün polisə tam səlahiyyət verir.
Ekspert bildirir ki, bu məsələdə daha bir qanunadakı boşluq bundan ibarətdir ki, maşının şüşələrində standart pozulduqda onların dəyişilməsi cərimə meydançasında icra edilməli deyil. Bir sıra ölkələrdə belədir ki, protokol yazılır və sürücüdən birbaşa servisə gedərək nasazlığın aradan qaldırılması tələb olunur.
