Azərbaycanın orta məktəb şagirdləri üçün yenilik

Bakıda orta məktəb şagirdlərinin yerdəyişməsinin elektron formada aparılması nəzərdə tutulur.

Bunu açıqlamsında Bakı Şəhəri üzrə Təhsil İdarəsinin müdir əvəzi Elnur Əliyev deyib.

Onun sözlərinə görə, gələn dərs ilindən şagirdlərin məktəblərə qəbulu elektron formada aparılacaq: “Əgər çatdırsaq , onların yerdəyişməsi də elektron qaydada aparılacaq. Bakı məktəblərində şagirdlərin qəbulu ilə bağlı yerlərdə, məktəblərdə müəyyən problemlər, neqativ hallar yaranır. Bunların hamısının aradan qaldırılması üçün belə bir mexanizmdən istifadə edilir”.

E.Əliyev bildirib ki, növbəti dərs ilindən müəllimlər üçün dərs bölgüsü də elektron formada aparılacaq. Elektron dərs bölgüsü aparılarkən müəllimlərin builki sınaq qiymətləndirməsinin nəticələrindən istifadə edilməsi nəzərdə tutulub. Ancaq bölgü aparılarkən bununla yanaşı, başqa amillər də nəzərə alınacaq. Bu amillərin nələrdən ibarət olacağını hələ açıqlamayan idarə rəsmisi hazırda bu istiqamətdə iş aparıldığını qeyd edib.(Trend)

Ölkə.Az