Yol polisinin protokolu sürücünü təəccübləndirib
Yol polisinin elektron protokolu sürücünü təəccübləndirib. Protokoldakı nə avtomobil onundur, nə də dövlət nömrə nişanı...
Hadisə bir neçə gün əvvəl Bakıda, sürücü Ülvi Daşdəmirlinin başına gəlib. Onun sözlərinə görə, radara düşməsi ilə bağlı mobil telefonuna SMS gəlib.
Protokoldakı şəkildə 99-FO-661 dövlət nömrə nişanlı “Mitsubishi” markalı avtomobildi. Fotodan belə aydın olur ki, həmin avtomobili ərazidə xidmət aparan patrul avtomobili “'I-Patru” vasitəsi ilə çəkib.
Cərimə məbləği böyük olmasa da, sürücü ona ünvanlanan cəriməni ödəməkdən imtina etdiyini bildirib.
Baş Dövlət Yol Polisi İdarəsinin şöbə rəisi, Kamran Əliyev qeyd edib ki, sözügedən məsələ texniki səhvdi.
“'Sistemdə texniki səhv aradan qaldırılıb və qayda poztunusuna yol verdiyi üçün tərtib olunan protokol “Mitsubishi” markalı avtomobilin sürücüsünə ünvanlanıb. Buna görə də, “BMV”nin sürücüsü Ülvi Daşdəmirlinin narahat olmasına heç bir əsas yoxdur” ,- deyə şöbə rəisi bildirdi.
Ölkə.Az “Xəzər Xəbər”ə istinadən mövzu ilə bağlı daha ətraflı videomaterialı təqdim edir:
