Kişilər doğuşda iştirak edərsə
Vaxtilə çoxlarına qəribə gələn partnyor doğuş indi ölkəmizdə də həyata keçirilir.
Ölkə.Az Spacetv.az-a istinadən xəbər verir ki, amma deyəsən hələ bütün cütlüklər buna hazır deyil.
Kişilərin doğuş prosesində iştirakına şərait yaratmaqda məqsəd bunu dəb halına gətirmək deyil.
Əsas qayə, kişilərin dünyaya uşaq gətirən analara psixoloji, mənəvi, hətta yeri gəlsə fiziki yardım etməsinə imkan yaradaraq doğuşu asanlaşdırmaqdır Azərbaycanda əsasən əcnəbi kişilər həyat yoldaşları ilə birgə doğuşda iştirak etmək üçün müraciət edirlər.
Azərbaycanlı kişilər isə nadir hallarda bu istəkdə olurlar. Bəzən isə son anda qərarlarını dəyişirlər. Çünki hər kişi buna hazır deyil. Özü də kişinin doğuş vaxtı həyat yoldaşının yanında olması üçün xüsusi tələblər var. Partnyor doğuşlar əsasən özəl klinikalarda və əlavə ödəniş etməklə həyata keçirilir.
Əvvəlcədən analizlər verir, həkim müayinələrindən keçirlər. Amma bu işin düşər düşməzi də olur. Bu yaxınlarda bir kişi həyat yoldaşının doğuş prosesini izlədikdən sonra onu boşamışdı.
