Bu gün Mirşahinin - istefada olan söz sərkərdəsinin doğum günüdür
Bu gün Mir Şahin Ağayevin doğum günüdür
Mir Şahin Ağayev 1963-cü ildə Yardımlı rayonunun Perimbel kəndində anadan olub. Azərbaycan Dövlət Universitetinin jurnalistika fakültəsini bitirib. Jurnalist fəaliyyətinə Qarabağa Xalq Yardımı Komitəsinin "Azərbaycan" qəzetində başlayıb. Vahid və Seyfulla Mustafayevlərlə birgə ANS-in təsisçisidir. Müharibə reportyorudur. Azərbaycanın jurnalist və publisistlərindən biri kimi tanınır. ANS Şirkətlər Qrupunun vitse-prezidentidir.
Vahid - Seyfulla Mustafayevlər və Mirşahin Ağayev Azərbaycan qəzetində tanış olublar. 1991-ci ildə 3 nəfər gənc Azərbaycanlı jurnalist, Vahid, Seyfulla Mustafayev qardaşları və Mirşahin Ağayev tərəfindən Azərbaycanda fəaliyyət göstərən ilk müstəqil televiziya şirkəti kimi yaradıldı. İlk dəfə 1991-ci ilin 26 noyabr tarixində "Xəbərçi" verilişi ilə efirə çıxdı. İlk yayım günündə aparıcı Mirşahin Ağayev idi. Azərbaycan Dövlət Televiziyasının binasında götürdükləri kiçik bir otağı studiyaya çevirərək 1992-ci il martın 2-dən etibarən öz proqram ideyalarını həyata keçirməyə başladılar.
Sonradan bu kiçik otaqdan ANS televiziyası yarandı.
Mirşahin eyni zamanda ANS Müstəqil Yayım və Media Şirkətinin (ANS-TV) Yaradıcılıq Şurasının sədri və ANS-ÇM Yayım və Media Şirkətinin Prezidentidir. ANS Şirkətlər Qrupunun fəaliyyət dairəsinə daxil olan ANS Müstəqil Yayım və Media Şirkətinin (ANS-TV), ANS-ÇM Yayım və Media Şirkətinin, ANS-Kommers Şirkətinin və ANS-PRESS NƏŞRİYYAT EVİ-nin, habelə ANS-in əhatə dairəsinə daxil olan şirkətlərin təsisçilərindəndir.
1992-2005-ci illərdə ANS Müstəqil Yayım və Media Şirkətinin (ANS-TV) Baş Redaktoru olub.
2 dəfə evlənmiş Mir Şahin iki oğul və iki qız atasıdır. Sonuncu dəfə 2011-ci ilin avqustun 6-da ANS TV-nin "İç Xəbər" proqramınınaparıcısı Səbinə Heydərova ilə ailə həyatı qurub. Bu evliliyindən Aysan ve Sevin adlı qızı var.
18 iyul tarixində ANS Müstəqil Yayım və Media” Şirkətinin yayımı dayandırılıb. 29 iyul tarixində keçirilən məhkəmə iclasında şirkətin yayım lisenziyası ləğv edildi.
Biz də Ölkə.Az kollektivi adından həmkarımız, söz ustası Mirşahini doğum günü münasibətilə təbrik edirik!
Hikmət
