Alimlərin binası niyə təhvil verilmir?

Yasamal rayonu Əsəd Əhmədov küçəsində  tikilmiş 16 mərtəbəli 4 bloklu binanın 1 bloku alimlər üçün nəzərdə tutulub.

Maraqlısı budur ki, digər üç blok hazır olsa da alimlər üçün nəzərdə tutulan blokda işlər hələ yekunlaşmayıb. Halbuki sakinlər 2014-cü ildən mənzillərinə köçməli idilər. Tikinti ərazisinə baş çəkib işin gedişatı ilə tanış olmaq istədik. Özünü iş icraçısı kimi təqdim edən Ceyhun Qocayev işin 10-15 günə yekunlaşacağını qeyd etdi.

Tikintini icra edən "Evrostroy Group" şirkəti isə suallarımızı cavablandırmaqdan imtina etdi.

Məsələ ilə bağlı Azərbaycan Milli Elmlər Akademiyasının İşlər İdarəsinə müraciət etdik. Müdir müavini Sərdar Əliyevin sözlərindən məlum oldu ki, problem təkcə tikinti şirkətinin binanı vaxtında təhvil verməməsi ilə bağlı deyil. Şirkəti ilə AMEA arasında bağlanmış müqavilədə də kifayət qədər boşluq var.

Nəticə etibarilə bina təhvil verilsə də oradaki mənzillər heç yataqxanada yaşayan alimlərə kifayət etmir. Buna görə də Elmlər Akademiyasında xüsusi komissiya yaradılacaq və komissiyanın köməyi ilə evə ən çox ehtiyacı olanlar mənzillə təmin olunacaq. 

Bir sözlə, hələlik binanın tam nə zaman təhvil veriləcəyi və həmin binada hansı alimlərin evlə təmin olunacağı sual altındadır.

Ölkə.Az Xəzər Xəbər"ə istinadən mövzu ilə bağlı daha ətraflı videomaterialı təqdim edir.