Bərdə Rayon Polis Şöbəsi rəisinin iki əməkdaşı işdən çıxarılıb
Bərdə Rayon Polis Şöbəsində (RPŞ) kadr dəyişikliyi olub.
Ölkə.Az Report-a istinadən xəbər verir ki, şöbə rəisinin əməliyyat işləri üzrə müavini Natiq Hüseynov işdən azad edilərək təqaüdə göndərilib.
Bundan başqa, şöbə rəisinin kadrlar üzrə müavini Ramiz Abbasov və cinayət-axtarış bölməsinin rəisi Məhərrəm Məmmədov da tutduqları vəzifədən azad ediliblər. Onlar başqa rayonlara təyinat alıblar. Bununla bağlı daxili işlər naziri Ramil Usubov əmr imzalayıb.
RPŞ-nin istintaq bölməsinin rəisi, polis mayoru Zaur Nəsirov əməliyyat işləri üzrə müavin, Xəzər Rayon Polis Şöbəsinin (RPŞ) polis mayoru Bayram Mirzəyev isə Bərdə Rayon Polis Şöbəsinin cinayət axtarış bölməsinin rəisi vəzifəsinə təyin olunub.
Xatırladaq ki, bu ilin sentyabır ayında daxili işlər naziri Ramil Usubovun əmri ilə İlqar Məmmədov Bərdə RPŞ-yə rəis təyin olunub.
