Bakıda yayılan xəstəliklərdən uşaqlarınızı necə qorumalısız?
Pediatr: “qar da yağmır ki, mikroblar ölsün”.
“Bakıda ən çox virus mənşəli xəstəliklər yayılıb. Ən çox qrip, boğaz ağrıları, yayılıb.Düzdür epidemiya formasında deyil, amma mövsümü xarakter alan və çoxalan xəstəliklərdir”.
Bu sözləri Bakıda uşaqlar arasında yayılan xəstəlikləri şərh edərkən pediatr İlhamə Rüstəmbəyli Ölkə.Az saytına bildirib. Onun sözlərinə görə, xəstəliklərin yayılmaması üçün əsasən evlərdə, məktəblərdə normal istilik olmalıdır.
“Bədən soyuduqca imunitet aşağı düşür. Orqanizm mübarizə apara bilmir. Ona görə bir uşaq xəstələnə digərlərinə də keçir. Elə bir peyvənd də yoxdur ki, belə xəstəliklərin qarşısı alınsın”.
İlhamə Rüstəmbəyli valideynlərə bir sıra məsləhətlər də verib:
“Uşaqları qalın geyindirmək lazımdır. Çoxlu maye qəbul etməlidirlər. Meyvə-tərəvəzdən çox istifadə etmək lazımdır. Gün ərzində uşaqlara isti qidalar vermək lazımdır. Heç olmasa gündə 2 dəfə isti şorbalar içməlidir. Yeməklərə ədviyyatlar vurulmalıdır. İstiot, sarıkökdən istifadə edilməlidir. Bunlar istilik gətirir, imunitet sistemini gücləndirir. Vitamin C ilə zəngin olan meyvə-tərəvəzlərdən istifadə ediləmılidir. Arada itburnu dəmlənib verilməlidir. Kəklikotu, yarpız dəmlənməlidir. Belə dəmləmələrdən ün ərzində istifadə edilməlidir ki, orqanizm güclənsin”.
Həkim deyir ki, çalışmaq lazımdır ki, ilk növbədə uşaqlarda imunitet sistemi möhkəmlənsin:
“Dərmanlar virusu öldürmür. Bu dərmanlardan istifadə edib bədənin imunitetini qaldırmaq lazımdır. Virusun toksinləri beyni, ürəyi, mədə-bağırsaq sistemini zədələyir. Hər saat antibiotiklərdən istifadə etmək düzgün deyil. Lakin elə hal olur ki, bunsuz keçinmək mümkün olmur. Valideynlər özbaşına gedib apteklərdən müxtəlif dərmanlar alırlar. Bu da sonradan bir çox problemlər yaradır. Buna görə də, uşaqda nasaz hal hiss etdikdə dərhal həkimlə məsləhətləşmək lazımdır.
Burun damcılarında istifadə etməlidirlər. Evdə dizenfeksiya işləri görülməlidir. Tutacaqlar, cəftələr təmizlənməlidir. Ayaqyolu dizenfeksiya olunmalıdır. Evdə xəstə olanda maska ilə gəzmək lazımdır. Qar da yağmır ki, mikroblar ölsün”.
Ziya Səccad
