Mədət Quliyev \"reket\" jurnalistlərin həbsinin səbəbini açıqladı
Dövlət Təhlükəsizliyi Xidməti əməkdaşlarının keçirdikləri əməliyyat zamanı həbs olunan reket jurnalistlər son 10 ildə qeyri-qanuni fəaliyyətlə məşğul olub, müəyyən vəzifəli insanların uşaqları ilə bağlı qanunsuz çəkilişlər aparıblar.
Ölkə.Az-ın Trend-ə istinadən məlumatına görə, bunu jurnalistlərə açıqlamasında Dövlət Təhlükəsizliyi Xidmətinin rəisi, general-leytenant Mədət Quliyev deyib.
Onun sözlərinə görə, reket jurnalistlər bu cür videogörüntülərlə həmin şəxslərdən pul tələb ediblər: "Bununla bağlı Dövlət Təhlükəsizliyi Xidmətində cinayət işi qaldırılıb və məsələyə hüquqi qiymət veriləcək".