Aydın Bəşirovun ayağı sındı

Dövlət Xəzər Dəniz Gəmiçilik İdarəsinin (DXDGİ) sabiq rəisi Aydın Bəşirov ayağından əməliyyat olunub.

Ölkə.Az-ın əldə etdiyi məlumata görə, A.Bəşirov hamamda olarkən ayağı sürüşüb və yerə yıxılıb:

Bunun nəticəsində isə Aydın Bəşirovun ayağı sındığı və hazırda xəstəxanada müalicə olunduğu deyilir.

Məsələni dəqiqləşdirmək üçün A.Bəşirovla əlaqə saxladıq. O dedi ki, hadisə Türkiyədə yaşayan oğlunu ziyarət edərkən baş verib:

“Türkiyəyə nəvəmi görmək üçün getmişdim. Orada nəvəmlə evdə oynayırdım. Qəfil yerdəki mərmərin üzərində sürüşdüm, ayağım sındı. Sonra Türkiyədə ayağımdan əməliyyat olundum, 2 ay xəstəxanada yatdım. Ancaq indi hər şey normaldır, sərbəst gəzirəm. Hətta, Türkiyəyə getməyə hazırlaşıram. Gedib nəvələrimi görəcəm”.

Zaur Əziz
Ölkə.Az