Bərdə rayon polis rəisi Hikmət Quliyev: "Əlin hara qəlbidi get ora qoy!"

Bərdə rayonunda yaşayan Ağdərə rayon İmarət Qərvənd kəndindən məcburi köçkün Mehriban Kərimova redaksiyamıza şikayət məktubu ünvanlayıb.

Mehriban Kərimova yazdığı şikayət ərizəsində qeyd edir ki, 21.10.2012-ci il tarixində 5 baş iribuynuzlu mal-qaraonun tövləsindən oğurlanıb.

Şikayətçi bildirir ki, oğurluqla bağlı "102" xidmətinə məlumat verilib, sonra isə Bərdə rayon polis şöbəsinə və prokurorluğuna müraciət ediblər. O həmçinin iddia edir ki, mal-qaranı oğurlayanlar müəyyən ola-ola polis rəisi işi bağlayıb. Mehriban Kərimovanın sözlərinə görə, mal-qaranı onun qaynı oğurlayıb, ancaq polisə pul verərək işi bağlatdırıb.

Mehriban Kərimova deyir ki, Məsələ ilə bağlı Daxili İşlər Nazirliyinə, Baş Prokrorluğa, Azərbacan Respubilkası Prezident Administrasiyasına müraciət olunub, müraciətlərlə bağlı müsbət cavab gəlsə də, polis rəisi işi araşdırmaqdan boyun qaçırıb.

Şəhid ailəsi olduğunu və maddi vəziyyətlərinin də ürəkaçan olmadığını bildirən Mehriban Kərimova oğrunun kim olduğu bilindiyi halda polis rəisinin işi bağladığını və üstəlik onu təhqir edərək otağından qovduğunu bildirir.

Məsələni diqqətdə saxlayacağıq.

Qarşı tərəfin fikrini dərc etməyə hazırıq. (Redaksiya)