Mehman Hüseynov yoxa çıxdı
Bloqqer Mehman Hüseynov dünən gecə saatlarında yoxa çıxıb.
Ölkə.Az xəbər verir ki, bu barədə onun dostları sosial şəbəkədə yazıblar.
Mehman Hüseynovun dostu İlqar Vəliyev gecə saatlarında polisə müraciət etdiklərini deyib.
Onun sözlərinə görə, artıq Mehmanın anası da polisdə ərizə yazıb.
Bloqqerin dostları iddia edir ki, Mehmanı şəhərin mərkəzində, Qoqol və Həzi Aslanov küçələrinin kəsişməsində 5 nəfər mülkigeyimli şəxs ağzını tutaraq, maşına basıb naməlum istiqamətə aparıblar.
Hələlik, hüquq-mühafizə orqanlarından məsələyə münasibət bildirilməyib.
