Azərbaycanda ölümcül virusla bağlı RƏSMİ AÇIQLAMA

 

Ölkə.Az xəbər verir ki, bu barədə tibb elmləri doktoru, professor Adil Qeybulla bildirib. Onun sözlərinə görə, bu virus kifayət qədər ağır, kliniki gedişə malikdir.

 

“Həm yuxarı tənəffüs yolları infeksiyalarına, həm də qrip infeksiyasına adiddir və A virusunun bir formasıdır. Bu А (H3N2) Honkonq qripi adlanır”, - deyə Adil Qeybulla bildirib.

 

Bu açıqlamadan sonra cəmiyyətdə böyük çaşqınlıq yaranıb. Sosial şəbəkələrdə bu qripla bağlı müxtəlif fikilər yayılıb. Hətta bunun “quş qripi” virusundan da təhlükəli olduğunu düşünənlər var.

 

Məsələnin ciddiliyini nəzərə alıb Səhiyyə Nazirliyinə müraciət etdik. Səhiyyə Nazirliyinin baş epidemioloqu İbadulla Ağayev Ölkə.Az-a açıqlamasında bildirdi ki, bu xəstəlik tək Azərbaycanda deyil.

 

“Qrip, qripə qarşı yoluxucu xəstəliklər bütün zamanlarda olub və bundan sonra da olacaq. Əhalini bəzən qripdən qorxudurlar. Qrip ilin bütün fəsillərində yayılan xəstəlikdir. Bu xəstəlik tək Azərbaycanda deyil. Havaların soyuması ilə əlaqədar olaraq, qrip virusu daha artıq yayılır. İnsanlar özlərini qorumadıqları üçün tez xəstələnirlər. Hazırda bütün dünyada qrip və buna bənzər xəstəlik olub və olacaq. Azərbaycanda olan adi bir xəstəlikdir. Azərbaycanda heç bir epidemiya yoxdur, heç bir təhlükə yoxdur”, - deyə İbadulla Ağayev bildirib.

 

İ. Ağayev məsləhə verir ki, insanlar özlərini xəstələnməkdən qorusalar, heç bir virus onlara yaxın düşməz:

 

“İnsanlar özlərini qorusunlar. Qalın paltarlar geyinsinlər. Nazik paltarla balkona çıxıb, siqaret çəklməsinlər. Qonağı ötürərkən, nazik paltarda olmasınlar. Xəstə olanlar kollektiv işlərə gəlməsinlər. Məktəblərə xəstə şagird və müəllimlər buraxılmasın. Xəstələrə qulluq edənlər maska və əlcəklərdən istifadə etsinlər. Xəstələr də respiratordan istifadə etsinlər. Xəstələrin istifadə etdikləri qab-qaşığı yaxşı qaynatsınlar, dizenfeksiya etsinlər. Özünü halsız hiss edənlər mütləq poliklinikalara müraciət etsinlər. Evə sahə həkimləri çağırsınlar. Özləri deyil, həkim təyinatı ilə müalicə olunsunlar”.