Abşeron, Astara, Ağcabədi və Ağdamın inkişaf planı

Dövlət Proqramında nəzərdə tutulan əsas amillər hər bir qəsəbənin, kəndin, rayon mərkəzinin inkişaf etməsindən, insanların yaxşı yaşamasında, bütün sosial infrastrukturların yenilənməsindən və.s ibarətdir.

Ölkə.az-ın təqdim etdiyi hesabatda 4 rayonda görülən işlər araşdırılıb və nəticələri qısa şəkildə oxucularımıza təqdim edirik:

Gəlin görək, ötən ilin 9 ayı ərzində Abşeron, Astara, Ağcabədi və Ağdamda rayon ərazisində və əhalinin həyat tərzində hansı yeniliklər baş verib.

Ötən 9 ay ərzində Abşeron rayonunda 2424 yeni iş yeri açılıb. Sənaye məhsulunun, nəqliyyat sektorunda yük daşınmasının, pərakəndə əmtəə dövriyyəsinin, əhaliyə göstərilən pullu xidmətlərin və tikinti-quruculuq işlərinin həcmi ötən ilin müvafiq dövrü ilə müqayisədə xeyli artıb. Cari ilin əvvəlindən rayonun iqtisadi və sosial sahələrinin inkişafı üçün maliyyə mənbələrindən əsas kapitala 247 milyon 389 min manat investisiya yönəldilib. Masazır- Saray- Novxanı və Hökməli- Qobu- Lökbatan- Güzdək- Puta avtomobil yolları tikilərək istismara verilib. Rayon ərazisində müxtəlif gücə malik 13 yeni transformator quraşdırılıb, yeni tədris ilində Abşeron rayonunda 2 yeni məktəb binası istifadəyə verilib.

Astara rayonunda ümumi daxili məhsul ötən ilin müvafiq dövrü ilə müqayisədə 2,5 faiz artıb. Əhalinin pul gəlirləri 5,4 faiz çoxalıb. Doqquz ayda 19 milyard dollar investisiya qoyulub. İlin əvvəlindən maliyyə resurslarımız 3 milyard 600 milyon dollar çoxalıb. 2014-cü ilin 9 ayında rayonda tikinti-abadlıq və quruculuq sahəsində də xeyli işlər görülüb. Deqədi-Pəlikəş avtomobil yolu əhalinin istifadəsinə verilib. Xəzər dənizi sahili boyu 8 hektar ərazidə park-bulvarın tikintisinə start verilib. 9 y ərzində rayonda 603 yeni iş yeri açılıb.

Ağcabədidə isə taxılçılıq və heyvandarlıq məhsulları istehsalında ciddi artım qeydə alınıb. Sahibkarlığa Kömək Milli Fondunun maliyyə dəstəyi ilə rayonun Rəncbərlər kənd ərazisində 5000 tonluq soyuducu anbarının tikintisində start verilib. Şəhərin S.Vurğun küçəsi ərazisində müasir çörək zavodunun tikintisində və FHN-nin Ağcabədi Yanğından Mühafizə Bölməsi üçün inzibati binanın tikintisinin son tamamlanma işləri aparılır.

Ağdam cari ilin keçən 9 ayı ərzində, xüsusi ilə son 5 ayda rayonda tikinti, abadlıq, quruculuq sahəsində müəyyən işlər görüb. Xiyabanın İmamqulubəyli kəndindən Çay evinə qədər olan hissəsində təmir işləri başa çatdırılıb. Əyləncə mərkəzində isə tamamlama işləri aparılır. Xiyabanda Ağdam şəhərinin simvoluna çevrilmiş Çay evinin tikintisində işlər davam etdirilir və yaxın vaxtlarda əhalinin istifadəsinə veriləcəyi nəzərdə tutulub. Rayon Ərazisində Məktəb tikintisi sahəsində işlər davam etdirilir.

P.S Növbəti yazıda sizi Ağdaş, Ağstafa və Ağsu rayonun inkişaf dinamikası ilə tanış edəcəyik.

Fatimə İbrahimova
Ölkə.az