Bakının bu yollarında ehtiyatlı olun
Hazırda paytaxtın Ziya Bünyadov, Azadlıq, Neftçilər və Tbilisi prospektlərində, eləcə də A.Bakıxanov və S.Vurğun küçələrində nəqliyyat vasitələrinin hərəkətində sıxlıq müşahidə edilir.
Bu barədə Bakı Nəqliyyat Agentliyinin İctimai əlaqələr və maarifləndirmə şöbəsinin məsul şəxsi Mais Ağayev Ölkə.Az-a bildirib. Onun sözlərinə görə, yollarda buzlama ehtimalı olduğuna görə, sürücülər son drəcə ehtiyatlı olmalıdırlar.
“Bakı Nəqliyyat Agentliyi bir daha sürücü və piyadalardan meteoroloji amilləri mütləq şəkildə nəzərə alaraq diqqətli olmalarını xahiş edir”, - deyə Mais Ağayev bildirib.
Qeyd edək ki, hazırda Bakı Nəqliyyat Agentliyi müşahidə kameraları vasitəsi ilə paytaxtın küçə və prospektlərinə nəzarəti gücləndirib.
Ziya Səccad
Ölkə.az
