İdman Akademiyası beynəlxalq əməkdaşlıqlarını davam etdirir

Elmin inkişafı və yüksək ixtisaslı tədqiqatçıların hazırlanması bu inkişaf prosesinin çox önəmli bir qoludur.

Bunun üçün beynəlxalq təcrübə mübadiləsinin aparılması böyük əhəmiyyət kəsb edir. Bu məqsədlə ADBTİA-nın bir qrup pedaqoqu Türkiyənin Ankara şəhərinə ezam olunub. Səfərin məqsədi Akademiyanın beynəlxalq tərəfdaşı olan, idman sahəsində dünyanın aparıcı universitetlərindən sayılan, Türkiyənin məhşur Hacettepe Universitetində İdman Elmləri Fakültəsinin mütəxəsisləriylə birgə beş günlük təlim proqramının reallaşdırılmasıdır. Təlim proqramı cari ilin 30 yanvar – 3 fevral tarixlərində Ankarada, Hacettepe Universitetinin İdman Elmləri Fakültəsinin binasında təşkil olunacaq. Təlim müddətində iştirakçılar metodoloji tədqiqatların aparılması, fiziki aktivlik, fiziki akivliyin qiymətləndirilməsi, epidemiologiya, fiziki fəaliyyət zamanı normativlər, idman psixologiyası, idman sahəsində cari məsələlər və qlobal problemlər kimi mövzularda keçilən təqdimatlarla tanış olacaq, təcrübə mübadiləsini həyata keçirəcəklər.

Qeyd edək ki, Azərbaycan Dövlət Bədən Tərbiyəsi və İdman Akademiyası bundan sonra da təhsil islahatlarının dünya standartlarına uyğunlaşdırılması zərurətindən irəli gələn yenidənqurma və təhsilin keyfiyyətinin artırılması istiqamətində müvafiq işləri davam etdirmək əzmindədir.

Ölkə.Az