İcra başçısından məmurlara sərt xəbərdarlıq

Bu il yanvar ayının 30-da Azərbaycan Respublikasının Prezidenti cənab İlham Əliyevin “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının üçüncü ilinin yekunlarına həsr olunan konfransda dövlət orqanlarının ünvanına səsləndirdiyi irad və tənqidlər, həmçinin Azərbaycan Respublikası Prezidenti Administrasiyası rəhbərinin ölkədə Korrupsiya hallarınıa qarşının alınması və buna qarşı tədbirlərin gücləndirilməsi ilə bağlı məktubunun icrası və bu istiqaməqdə yol verilmiş neqativ halların aradan qaldırılması məsələləri Səbail Rayon İcra Hakimiyyətində keçirilən geniş tərkibli müşavirədə müzakirə olunmuşdur.

Səbail Rayon İcra Hakimiyyətinin başçısı Eldar Əzizov ölkə başçısının konfransdakı geniş məzmunlu çıxışı barədə ətraflı məlumat vermiş, qeyd etmişdir ki, son vaxtlarda rayonda korrupsiya hallarına qarşı mübarizə tədbirlərinin gücləndirilməsinə baxmayaraq yenə də bəzi yerlərdə dövlət torpaqlarının qanunsuz olaraq zəbt olunması və saxta sənədlərlə rəsmiləşdirilməsi, qanunsuz tikintilər aparılması halları qalmaqdadır.

Müəyyən olunmuş faktlar üzrə sənədlər hüquq-mühafizə orqanlarına verilərək, bir sıra faktlar üzrə cinayət işləri açılmışdır.

Eldar Əzizov ilk növbədə yerli bələdiyyə qurumlarının işini sərt tənqid edərək onlara ciddi xəbərdarlıq etmişdir. Həmçinin RİH-ində və digər qurumlarda çalışan, qanunsuzluqlara göz yuman bəzi məmurlar və vəzifəli şəxslər də ciddi xəbərdarlıq olunub, qəti tədbirlər götürülməsi üçün hüquq-mühafizə orqanlarının rəhbərlərinə tapşırıqlar verilib.

Eldar Əzizov bildirdi ki, «… torpaq dövlətin sərvətidir və onu qorumaq lazımdır. Azərbaycanda hüquqi dövlət qurulub və bu bizim tarixi nailiyyətmizdir. Qanun qarşısında hamı bərabərdir və onun tələblərinə riayət etmək vacibdir». 

Ölkə.Az